Here is the arti mentioned below for you to begin your journey of worshipping Ma Kali.
Maa Kaali Aarti
Ambe Tu Hai Jagdambe Kali, Jai Durge Khappar Wali,
Tere Hi Gun Gaaye Bharati, O Maiya, Hum Sab Utarey Teri Aarti |
Tere Bhakt Jano Par Mata Bheed Padi Hai Bhari |
Daanav Dal Par Toot Pado Maa Karke Singh Sawari |
Sau Sau Singhon Se Balshali, Hai Asth Bhujao Wali,
Dushton Ko Tu Hi Lalkarti |
O Maiya, Hum Sab Utarey Teri Aarti |
Maa Bete Ka Hai Iss Jag Mein Bada Hi Nirmal Nata |
Poot Kaput Sune Hai Par Na Mata Suni Kumata |
Sab Pey Karuna Darshaney Wali, Amrit Barsaney Wali,
Dukhiyon Ke Dukhdae Nivarti |
O Maiya, Hum Sab Utarey Teri Aarti |
Nahi Maangtey Dhan Aur Daulat Na Chaandi Na Sona |
Hum To Maangey Maa Tere Man Mein Ek Chota Sa Kona |
Sab Ki Bigdi Banane Wali, Laaj Bachane Wali,
Satiyo Ke Sat Ko Sanvarti |
O Maiya, Hum Sab Utarey Teri Aarti |
Charan Sharan Mein Khade Tumhari Le Puja Ki Thali |
Varad Hast Sar Par Rakh Do Maa Sankat Harne Wali |
Maa Bhar Do Bhakti Ras Pyaali, Asht Bhujao Wali,
Bhakto Ke Kaaraj Tu Hi Saarti |
O Maiya, Hum Sab Utarey Teri Aarti |
Ambe Tu Hai Jagdambe Kali, Jai Durge Khappar Wali |
Tere Hi Gun Gaaye Bharati, O Maiya, Hum Sab Utarey Teri Aarti |